فأشعل بوعزيزي النار في نفسه ،،
فكانت الفتيل للثورة في تونس فأصبحت ثورة حتى النصر ،،،
حركت رياح الشتاء سفينة الحرية فأبحرت شرقاً الى مصر ،،
ستكون بأذن الله ثورة غضب حتى النصر ،،،
متوقف عن التدوين والكتابة ،،
فأنا في الشارع من الصعيد الى ميدان التحرير ،،
بين أهلي واخوتي العمال في المحلة وبجوار سيدي البدوي في طنطا ،،،
معتصم في الأسكندرية واجلس في العراء في المنشية وامام القائد ابراهيم ،،،
أنا الان في موطن سيدي الغريب أكافح من اجل حريتنا في حي الأربعين واستلهم بطولات ابأئي في عتاقة والأدبية والاسماعيليه وبورسعيد ،،،
أنا في الشارع ،،،
شباب مصر يكافح ويناضل في شتاء الغضب والحرية ان شاء الله ،،،
من أجل شهداء السويس ومن أجل مصر ،،،
هناك تعليقان (2):
يبقى تستاهلها الحرية .
محدش اعترض على التغيير بس مش يكون النتيجة السلب والنهب اللى حصل فى البلد والمظاهرات اللى كانت من شباب كانوا طالعين فى مظاهرات سلمية ويجى شوية بلطجية واللى لهم مصالح شخصية غير المندسين على مصر من خارج مصر واللى نفسهم ومنى عنهم مصر تقع اللى عاملة لهم زى اللقمة فى الزور والاحزاب الغير محترمة اللى بتدور على الكرسى علشان تحكم ومش مهم عندهم البلد تولع وتخرب كانوا عايزين حسنى مبارك ميجددش خلاص الراجل قال مش هيجدد وقال الدستور هيتعدل واختار وزارة من الواضح انهم عقلاء وعارفين ايه اللى هيتعمل بالظبط ويعنى فى ايه استحملوا الراجل كل المدة دى مش قادرين يستحملوه كام شهر الباقين ودلوقتى لو حسنى مبارك ساب الحكم فورا مين اللى يمسك مكانه مش لسه فيه انتخابات هتتعمل مصر تفضل بقى فى اللى هى فيه كل الفترة دى لحد ما يجى واحد جديد مش هقول حسنى مبارك عمل وعمل الراجل له ماله وعليه ما عليهم بس عيب قوى ان حياته تنتهى كده بالاسلوب والطريقة دى والامريكان اللى كان بعض الناس بيققولوا انه عميل لهم وهو لو عميل لهم كانوا باعوه وكان اى كلب يتحدث باسم المخابرات الامريكية ولا الخارجية الامريكية ولا البيت الابيض يطالب بالرحيل فورا لو كان فعلا عميل زى ما كان بيتقال عنه كان اقل حاجة الامريكان سندوه مش باعوه وكان ريحهم وعملهم قواعد عسكرية زى ما قطر عملت قواعد عسكرية اسرائيلية فى قطر قطر الراعى الرسمى لقناة الجزيرة اللى تكره مصر عمى واللى نفسها مصر تنعدم من الوجود ليه مش بنشغل عقلنا ونفكر شوية ونقول كل اللى بيحصل ده لصالح مين ؟؟؟ احنا عايزين تغيير لكن ميكونش تغيير امريكانى ولا يكون تغيير على حساب الشعب المصرى ومصلحته والله لو امريكا اتحشرت وطبعا فى الخفاء معاها اسرائيل لتكون مصر العراق التانية وفلسطين التانية استغربت قوى من بتوع لبنان اللى بيطلعوا وبيتكلموا عن مصر واللى بيحصل فيها انتم يعنى اللى بلدكم عدلة ما تروحوا تشوفوا نفسكم وصلحوا حالكم وبعدين شوفوا غيركم ياريت يااهلى يااهل بلدى نشغل عقلنا ونفهم كل ده لصالح مين والاخوان مش هاقول المسلمين الاخوان الافاقين المرائين اللى كل هدفهم انهم يوصلوا للحكم وخلاص حتى لو بمساعدة اسرائيل اهم حاجة الكرسى دول لو فعلا مسلمين كانوا طبقوا حديث الرسول صلى الله عليه وسلم المسلم من سلم المسلمون من لسانه ويده وكانوا طبقوا قوله تعالى واعتصموا بحبل الله جميعا ولا تفرقوا صدق الله العظيم فين الاخوان الافاقين من كلام ربنا ومن حديث الرسول عليه الصلاة والسلام وباقى القنوات الفضائية اللى كل همهم انهم يزودوا النار نار اكتر ماهى وقال بيذيعوا الحقيقة ياترى بيذيعوا اى حقيقة اللى هم عايزين يذيعوها وبس ولا اللى فعلا موجودة لو فعلا عايزين يذيعوا الحقيقة كانوا جابوا المعارض والمؤيد مش كل اتصالاتهم وحوارتهم مع ناس بتصفى حسايات شخصية مع النظام والله انا مش منتمية لاى حزب سياسى لا معارض ولا مؤيد بس مش عايزة بلدى تبقى العراق التانية انا كنت بتكلم مع ناس من العراق بعد الغزو وكنت بعذرهم لظروفهم لكن بجد محستش بمعانتهم الا دلوقتى وبتمنى من الله وحده انه يزيل الغمة اللى احنا فيها وان يحفظنا شعب وبلد ويكفينا شر ما فى الغيب والناس تفكر وتشغل عقلها شوية
إرسال تعليق